2012-ci il 08 may tarixində Azərbaycanın Respublikasının Maliyyə Nazirliyində Ümummilli lider Heydər Əliyevin anadan olmasının 89-cu ildönümü münasibətilə mərasim keçirilmişdir.
Mərasimi giriş sözü ilə açan Maliyyə Nazirliyi Aparatının rəhbəri Namiq Süleymanov müasir Azərbaycan dövlətinin qurucusu, görkəmli dövlət xadimi Heydər Əliyevin həyat yolundan, vətən və xalq qarşısında tarixi xidmətlərindən bəhs etmişdir.  Qeyd etmişdir ki, bu gün Heydər Əliyev şəxsiyyəti və siyasəti yalnız Azərbaycan çərçivəsində deyil, ümumiyyətlə regional və qlobal miqyasda dəyərləndirilir.

Filippinin paytaxtı Manila şəhərində keçirilən Asiya İnkişaf Bankının Rəhbərlər Şurasının İllik Toplantısı çərçivəsində Azərbaycanın maliyyə naziri Samir Şərifov bir sıra işgüzar görüşlər keçirmişdir. AİB-nin prezidenti Haruhiko Kuroda ilə keçirilən görüşlərdə Azərbaycandakı sosial-iqtisadi inkişaf, ölkənin davamlı iqtisadi artım və diversifikasiyası, AİB tərəfindən Azərbaycanda maliyyələşdirilən layihələrin hazırki icra vəziyyəti və gələcək əməkdaşlıq istiqamətləri müzakirə olunmuşdur.

Aprelin 20-də Azərbaycan Respublikasının maliyyə naziri Samir Şərifov  Bakıda səfərdə olan Beynəlxalq Valyuta Fondunun (BVF) Azərbaycan üzrə missiyasının rəhbəri Nədim İlahini və onu müşayət edən nümayəndə heyətini qəbul etmişdir.

Azərbaycan Respublikası Maliyyə Nazirliyi tərəfindən təsdiq edilmiş tədris plan-qrafikinə uyğun olaraq, Maliyyə Nazirliyi yanında Maliyyə Elm-Tədris Mərkəzində Nazirliyin yerli bölmələrinin, regional orqanlarının rəhbərlərinin müavinləri, Xəzinə əməliyyatları sektorunun müdirləri üçün  «Dövlət büdcəsinin xəzinədarlıq vasitəsilə icrası» mövzusunda növbəti ixtisasartırma kursu təşkil edilmişdir.